每年七月及十二月，大家都會見到各中醫診所都有做天灸的宣傳。究竟天灸點解要係七月同十二月做呢？原來係同天文有關係㗎喎！

先講七月嘅三伏天灸，唔知大家有冇聽過二月初二有一個叫「龍抬頭節」嘅節日呢？喺香港可能冇乜人知道呢個節日，但在內地，有好多地方都會慶祝。之所以叫做龍抬頭節，原來在每年大約係二月三月之間，代表東方的青龍星系會開始在北半球的東南方望得見，而最先出現嘅就係代表龍頭嘅「角宿」，所以就叫做龍抬頭。

整個青龍宿大約會在春分開始，喺地平線上可以看到，經過大約半年時間橫過了整個中天，直至秋分（九月），就回歸地平線之下，很難看得到了。

在整個青龍宿回歸地平線下之前，早在七月左右「角宿」已經回歸地平線下。

於是，三伏天灸便選在夏至後的第三個庚日開始，大約是每年的七月中，在每一個庚日做一次天灸，一共做三次。用意是借助龍潛入地平線的天文現象，用藥物將陽氣從外面潛入身體裏面。

那為什麼是庚日呢？庚屬金，金有收斂的特性，可幫助陽氣收進身體裏面裏面矣。