成日聽到人話「宮寒」嘅人難生仔，又話最好生之前要「備孕」先容易有，咁到底即係點啫😖⋯⋯🗣🗣🗣大夫！！

 

👨‍⚕️「係，我喺度，唔洗咁大聲嘅。」

 

👨‍⚕️隨着社會風氣嘅變化，結婚嘅年紀不停推後，令到結婚嘅年紀越嚟越大。結果，令孕婦嘅年齡變得越來越大，不孕嘅問題就變得越嚟越複雜。

 

我哋先界定一下何謂不孕，簡單來講就係，當夫婦二人完全不避孕的情況下，三年也不能透過正常的方法來成孕，就稱之為不孕。

 

孕育本來是人的本能，但是隨着生活環境越趨複雜，簡單嘅事也有變得越嚟越難嘅趨勢。曾經有明代醫家家總結出九類不孕的體質，包括身瘦、肥胖、下部冰冷、骨蒸夜熱、肝郁、胸滿不思食、少腹急逼、腰酸腹脹、便澀腹脹足浮腫。這些對於有可能不孕體質的高度概括對於現代人仍然合適。其中下部冰冷就係中醫成日都講話有一種狀態叫做宮寒。

 

宮寒，按字面意思即係子宮嘅溫度唔夠，令到懷孕機會率下降。主要係因為現代人喜愛冷飲，經常在冷氣地方逗留，但郤短裙熱褲，短時間沒問題，但長此下去就會對子宮環境造成影響，初期可能只係一啲月經上面嘅不適，例如經痛，經期不準，或其他月經不適。要知道「欲要種子，必先調經」，月經嘅問題係子宮環境嘅反應，月經有問題，即係子宮有問題，要懷孕就會有困難。

 

除了宮寒，還有許多其他的體質，例如瘀血，氣血虛弱，肝郁等等，呢啲都係身體整體的機能問題，由於子宮容易受身體情況影響，所以各類嘅問題體質都有機會造成懷孕困難。還有一類係結構問題，最常見嘅係盆骨唔對位引起子宮周圍肌肉張力唔啱，影響子宮功能。

 

中國人向來將傳宗接代視為頭等大事，故此有大量關於如何調經種子嘅典籍流傳後世，有相當豐富嘅經驗，亦有大量針對各種身體體質嘅方藥可以增加成功懷孕嘅機會，例如經常聽到的温胞饮、艾附暖宫丸、养精种玉汤等等，亦可以配合針灸疏通經絡。如果係因為結構問題，首要都係要先將骨架調整好，解除子宮周圍肌肉嘅不正常拉力，子宮先至會正常運作。

 

一般來講， 30歲以前嘅女性每月自然受孕嘅機會大概係25%，隨着年紀增長會急劇下降，所以想要增加懷孕機會，先改善體質，調整月經質量就非常重要。另外，現代研究發現，因為男士精子質量問題而引起嘅不孕機會越來越高，所以如夫婦有懷孕困難，男士亦有必要去檢查精子，如發現有問題亦同樣要可以搵中醫處理。