石頭瘡？毒瘡？
「醫師，我呢排成面都係瘡呀😭，一開始得一兩粒，我以為係天氣熱戴口罩先岀，點知越岀越多，唔止下巴同面，連個額頭、眼旁個d位都開始有🤕」A小姐一面愁容說。
😯:「除低個口罩睇睇」
A:「你睇，呢度呢幾粒一直都係瘀瘀黑黑咁，又谷唔到膿，又唔謝💥；呢啲謝左但入面有粒野岀唔到黎，成日重複爆瘡，個印又唔消；仲有我多左好多粉刺，全部都’吱’唔到岀黎😭😭點算呀😫醫師你要幫我搞返好塊面，我仲要除罩見人架😩」
🤔：「放心，有得搞，不過有幾樣嘢你自己要注意，食左葯啲粉刺會慢慢退岀黎，千祈唔好心急’吱’佢，唔係有疤既話就好麻煩。。。。」

痤瘡相當於中醫的粉刺，即係大家成日講既暗瘡。 皮膚上岀現散在性粉刺、丘疹、膿皰、結節及囊腫，伴皮脂溢出。 毒瘡、石頭瘡、粉刺、暗粒都屬於其中之一的症狀。

大家可能都知道，體質偏向熱底🔥、飲食不節🍤，過食辛辣肥膩甜食🍔🍧會造成食積，胃腸積熱上攻頭面而生暗瘡，又知道經常捱夜，睡眠不足，會導致陰虛火旺又會生暗瘡。但你可能唔知道脾胃虛弱都會生暗瘡，主要係因為免疫系統功能較弱，面部細菌容易滋生啲人而引起。

中醫治療痤瘡可以中葯內服之，針對引起痤瘡原因以不同方藥治理，如五味消毒飲，枇杷清肺飲，補中益氣湯等等。除此之外亦可配合外洗中醫處方，如三黃洗劑、四黃膏搽於患處；洗臉亦可選用中葯成份手工梘。另外，針對紅腫發炎的丘疹，可配合放血療法；針對痤瘡的疤痕可配合針灸治療。

女為悦己者容💃🏻，追求美是人之常情，痤瘡是損容性疾病之一，如果情況不如預期，有增多或嚴重趨勢，要及早求醫，以免情況越演越烈，耽誤病情。毒瘡？石頭瘡？😵‍💫唔使怕，去搵中醫師幫手喇😌