突然出現月經異常？心情經常煩躁？突然出現潮熱盜汗？妳可能已經進入人生一個必經階段。如果處理得好，呢個可能只是無關痛癢嘅人生小插曲，但如果處理得唔好，就可能係比較困擾嘅一段時間。

 

        更年期最常出現嘅問題有兩大類，一係月經嘅問題，二就係潮熱盜汗、心情煩躁、失眠或者係其他心血管嘅症狀。如果月經只係經期唔準，其實都算正常，最常見嘅問題係出現崩漏，即係月經量大增，持續時間長，又或者係點點滴滴持續兩星期甚至接續下一次月經。

 

         呢啲症狀嘅產生都係由於卵巢衰竭，雌二醇及孕酮的分泌顯著減少而造成，一般發生嘅年齡係45至55歲。中醫認為此段時期婦女肾气由盛渐衰，天癸由少渐至衰竭，冲任二脉气血也随之而衰少，身体阴阳不平衡所致，所以一般認為以補陰補陽為前提。

但臨床所見，現代出現更年期綜合症的人體質更為複雜，因為社會環境改變，女士所面對嘅環境挑戰亦唔一樣，工作壓力、家庭管理壓力、不良生活習慣等等，所以除咗腎之外，身體許多臟腑都出現唔同程度嘅不平衡。

 

         所以處理更年期綜合症考慮就要更為全面，需要考慮有沒有肝郁、脾虛、心火、血瘀，痰濕等等，再配以相對應嘅中藥或者針灸去治療。

 

         另一個比較常見嘅，就係身體骨格肌肉嘅問題，尤其是盆骨的錯位。子宮卵巢都處於由盆骨組成嘅盆腔裏面，如果盆骨偏移，經常出現腰痛，又或者係腹部有開過刀，疤痕附近出現壓痛同僵硬，就要及早處理，以減少因為結構不對位對子宮卵巢造成嘅拉扯力，減慢衰退過程，減低出現更年期症狀嘅機會。我哋會透過準確嘅診斷去檢查身體各個部位有否對盤腔部造成不正常嘅壓力，再用柔和手法及針灸處理。

 

         要減輕更年期嘅不適，其實需要提前管理好身體體質，包括精神方面及身體方面。精神方面就要保持身心舒暢，要適當平衡工作及休息玩樂，保持一顆歡樂及平和的心。身體方面就管理好生活作息，戒煙，減少飲酒，最重要係提早處理好月經嘅問題，從40歲開始，如果月經有任何的異常，例如經期不準，經量改變，經前經後有規律性不適，都要及早處理，因為呢啲都係身體出現唔平衡嘅警號。另如果身體出現各種勞損嘅痛症，都應該及早處理，尤其是腰，盆骨部嘅問題，以改善卵巢及子宮環境。

 

        希望各位女士們都能夠安然度過更年期，無論任何時候都能身心愉快地過精彩嘅人生。