BB 濕疹

Bb患有濕疹，相信對於好多家長來講都係一個惡夢。因為小朋友唔單止會不停抓傷皮膚，仲會因為痕癢瞓唔着，繼而大吵大鬧。

有家長見到BB皮膚乾燥，會嘗試用凡士林去「保濕」，但是這個並不是一個好方法。因為凡士林只能夠作為一個屏障，對濕疹止痕，以及皮膚嘅消炎並沒有幫助。

如果要選擇用油去潤膚，可以考慮用金盞花油（Calendula oil)，佢不單止係天然嘅植物油，有消炎止癢嘅作用，亦都可以比皮膚吸收，滋潤皮膚。

至於中藥方面，可用金銀花，蛇床子，淡竹葉等煮水沖涼，對於舒緩複診狀態非常有用。 

除咗外用治標嘅方法之外，中醫將濕疹分為好多種唔同嘅證型，例如有濕熱，血燥，氣虛，血虛等，中醫師會根據小朋友嘅舌脈，皮膚表現及其他兼症等，去判別是那類型，然後處方針對性嘅中藥。有人可能會有疑慮，幾大嘅小朋友先可以食中藥，其實一般初生嬰兒都可以服用中藥，但劑量會非常細，可以混入奶中。

另外，亦可以從小朋友對食物嘅過敏，略知一二。例如，食牛肉會誘發濕疹的朋友，多數因為熱盛。食海鮮丶蕃茄、茄子、芋頭會引起濕疹的，多數的病因係從「濕」而來。

又有人會問，係咪只要加強免疫系統嘅功能，就會可以減輕濕疹嘅症狀？

答案是「否」，免疫系統越強不等於濕疹越穩定。反而，免疫系統能夠正常運作，濕疹先至會舒緩。